هواجس واشعار ومقتطفات شعرية متنوعة من كلماتي
يامتعب قلبي ترى القلب فدواك
اسهرت عيني ما عرفت المنامي
واشلون ما اهواك وانا اموت لرضاك
يانبض شرياني وكل الأمـــــاني
انام في ذكراك و اصحىء لذكراك
وانته بقلبي طول عمري وزمانـــي
سميتك الغالي عسى الله يرعـاك
واعطيتك الغالي وكل إهتمــــامي
وينك تعال اكحل عيوني برؤيــاك
وارويك من بحر العشق والغرامي
#هواجس2014
اصدق شعور انك تحب
واصدق مشاعر من يحب
اكره على قلبي الكذب
والي يحبك بس لعب
راجع فؤادك و انسحب
خليك من هذا التعب
الي يحبك من قلب
ما يفارقك لابسط سبب
ليله خميس تتعانق الروح بالروح
والمغترب فكرة يسافر معاها
مسكين كنه في الهواء طير مجروح
يضيق لا منه تذكر رباها
#طه_غالب
الحب في الدنيا مقدر و مكتوب
ونار المحبه مثل نار الحرايق
لادمنت حب الشخص ماعنه تتوب
تصبح اسير الحب لو كنت ضايق
ماعاد ينفع في الغلا اي دبدووب
الا وصال الخل ....... يجعلك رايق
#طه_غالب
#مقتطفات
صباحكم حرب المشاعر والعرب
والحب ما هو عيب يا نقادها
الحب في الدنيا عظيم ومكتسب
والحب ما توفيه كل كنوزها
لو يجمعوا الياقوت وانواع الذهب
يطغى عليه الحب في ميزانها
#طه_غالب
#مقتطفات صباحيه
إبتسم للوقت و الدنيا تزين
إبتسم يا قلب واتحدأ الحزن
.
لاتكدر خاطرك في كل حين
والله ان الوقت دايم متزن
.
لو تضيق اليوم بكره با تلين
ما يدوم الحال ولا يبقى الحزن
.
شوف حتى الارض لأشن المزن
بعد كانت قاحلة ترجع تلين
.
طه غالب
